57vet kampionad broadell ar sonerien e Gourin
Ur bouchad tud oa deuet da gemer perzh er c'honkourioù 'vel bep bloaz. Ar blaoz-mañ e oa bet priziet an danserien ivez gant ur c'honkour savet gant ar gevredad War 'Leur. Setu lod eus an disoc'hoù neuze. Er rummad Duo Libre e aet ar maout gant Mickael Derrien doc'h an dreujenn gaol ha Thibaut Lotout gant e vouest an diaoul, an akordeoñs. Er rummad braz eo aet ar priz braz gant Fabrice Lothodé ha Hubert Raud er rummad koz gant ar c'houplad Julien Tymen ha Michel Kerveillant. War al lec'h oa bet Yaelle ar Mouel. Ganti vo klevet Vonig Fraval, renerez Bodadeg ar sonerion hag Yvonig ar Meut, soner 'neus kemeret perzh er c'honkour braz.
