Summer Swim : ur redadeg neuial er mor, e Gwaien
Ha gwelet ho peus dija ur genstrivadeg neuial er mor ? 'Benn warc'hoazh e vo dalc'het ar « Summer Swim », e traezhenn Santez Eved en Eskevien, e-tal Gwaien. Pemp redadeg a vo en holl : redadegoù hiniennel, gant hag hep palmoù ; hag ur redadeg a bep eil dre skipailh, pevar gwech 200 metr, gant hag hep palmoù ivez. Lusket e vo ar redadegoù ouzh ar mikro gant Claire Carriou. Muioc'h a ditouroù ganti diouzhtu. Emañ ouzh mikro Metig Jakez-Vargas.
Digor eo ar redadeg a bep eil dre skipailh d'an neuñverien ha neuñverezed adalek 8 bloaz, hag adalek 14 bloaz evit ar redadegoù hiniennel. Da 2 eur goude merenn e krogo ar « Summer Swim » en Eskevien.
