Emañ liseoù 'zo skoet get an digresk demografel
Un danevell nevez embannet get kambr rannvroel ar c’hontoù he deus graet pasabl a drouz : an hani diàr mod merriñ al liseoù publik get ar rannvro, hag a zo he barregezh en ober.
An elfenn he deus desachet ar muiañ an evezh a zo ar c’hinnig serriñ liseoù zo, get ul listenn resis. 13 lise a vehe bresk ha 7 a vehe en arvar.
A-benn kompren sklaeroc’h, Aodren Trehin a oa bet é atersiñ Stéphanie Stoll dilennadez er rannvro er strollad ag an tu kreiz Ni Breizhiz. Perzh eo ag ar bodad stummadur, hentañ ha yezhoù Breizh.
A-benn miz Kerzu, sañset 'vo kinniget get ar bodad nevez ur steñv hollek àr merañ al liseoù evit azasaat diouzh ar cheñchamantoù bras-se. Pezh zo sur eo kizidig ar sujed hag e vo kalzig a dabutoù !
