A Vruksel e ta Stromae ("maestro" e verlaneg), e-leh en deus desket ar solfej hag ar batri. Diwezatoh en deus sonet rap (ba'r strollad Suspicion), raog moned solo ha studiiñ ar sinema àr-un-dro. Produet noa e zisk berr kentañ e 2007, savet neus kanennow ewid ar re'rall (Kery James, Anggun), hag embannet kanennow personel àr ar genrouedad. E 2010 e oa dàet er-maes e albom kentañ, Cheese, bezh neus gwraet dre ar singliow "Alors on danse" pe "Te quiero". E 2013 e kenniga e eil pladenn hir : Racine carrée. Sevel a ra Stromae an toniow da gentañ, ewid boud efedus (anad dre an dow dub "Papaoutai" ha "Formidable" dija), hag ar posiow d'an eil. Seblantiñ a rant boud skañv, mes ster vez bepred enne, ewid koms a-zivoud an ekoloji ("Humain à l'eau" e duo ged Orelsan), ar rouedadow sossial ("Carmen", levesonet hag amprestet ged opera Bizet), ar rassism ("Bâtard"), an amitie ("Sommeil") pe hoazh sevel un taol-enor da Cesaria Evora ("Ave Cesaria"). Daet ew da-benn a enrolliñ un eil albom a-fesson, d'hor lakaad da zañsal dalhmad, ha da brederiiñ àr-un-dro. Gouarnet neus spered añgajet an hip-hop, aliañset ged an elektro-pop. LES CHATS SAUVAGES "Derniers baisers" in SP (1962 . Pathé) JUVENILES "Fantasy" in Juveniles (2013 . AZ) DISCLOSURE "When a fire starts to burn" in Settle (2013 . PMR . Island) DISCLOSURE feat. ALUNAGEORGE "White noise" in Settle (2013 . PMR . Island) STROMAE "Formidable" in Racine carrée (2013 . Mercury) Liammow an deiz : > Stromae ha > Juveniles > Disclosure > Élodie Frégé > AlunaGeorge