Avel Em fenn - Merc'her 11 a viz Even
Deus ur radio all e vo anv hiriv gant Leo Reuzé, dileriad gopridi Ici Breizh Izel. Hennezh a displeg perak gopridi ar radio a zo a-enep raktres ar renerezh, da lâret eo digreskiñ plas ar c’heleier e brezhoneg evit gounit selaouerien ha selaouerezed nevez, sañset. Aterset eo gant Metig-Jakez Vargas, deus Radio Breizh.
Kronikenn Barzaz gant Magali Baron ha Tomaz Laken diwar-benn al levr Istor ar Vretoned, ul levr savet gant Visant Roue.
Strakal an houarn gant ur morzhol, mod-se mañ un trouz anazevet mat gwechall, hini ar gov. Tangi Ar Rouzo a displeg deomp da betra servij pep ostilh ar govel.
Keleier ar vro hag ar bed : Anton Burel
Buheziñ ha teknik : Yann Boishardy
