275-Pladenn aour an egor
E 1977 e oa bet lañset daou sont (sontoù Voyager 1 ha Voyager 2) gant ar soñj studial a-dostoc'h planedennoù pellañ sistem an heol. Ar fizikour Carl Sagan en-doa goulennet get an NASA ma vehe lakaet er sontoù peadra da lakaat kompren piv omp-ni, gant ar spi e vo dizoloet un deiz bennak get "ekstradouariz". Ha setu kaset da benn get ur strollad skiantourion embannadur ur bladenn get skeudennoù, sonioù ha sonennoù warni. Graet e vez "Voyager Golden Record" ag ar bladenn-se.
