Manifestadeg e Roazhon evit ar brezhoneg ha bed ar sevenadur
Ur mil pemp kant den bennak a oa bet o vanifestiñ ‘ba Roazhon disadorn, da souten bed ar sevenadur hag ar brezhoneg, ‘zo lakaet diaes gant ar politikerezh broadel ‘zo o tigreskiñ ar budjedoù war kement tachenn ‘zo. Mil pemp kant den, daou-vil hervez an aozerien, ne oa ket kalz da geñver ar pezh ‘vije gortozet gant kalzig a dud er vanifestadeg. Lod a zisplege ar sifr bihan se gant ar fed ma oa bet aozet an darvoud war ar poent diwezhañ. Met, memes tra, oa deuet kalzig a dud yaouank, peadra da blantañ nerzh el luskad.
