Kenavo Herri Morvan...
Goude François e 2012 hag Yvon e 2022 e oa aet Herri, breur diwezhañ ar vreudeur Morvan, d’an anaon disadorn, d’an oad a 93 vlez.
Paotred o rochedoù karezennet a oa hag a chomay mil vrudet er vro. Oberiant etre 1958 ha 2019, kanet o deus kan-ha-diskan ouzhpenn 3000 gwezh àr al leurennoù.
An triad a orin deus Sant-Nigouden kostez Kallag, n’oa ivez ur breur, Yves, n’oa kanet ganto er penn-kentañ, hag ur c’hoar, Marie. E ti ar re Morvan, kanañ oa un afer familh, kaset a rummad da rummad.
Setu un tamm dielloù a Radio Kreiz Breizh bet adaozet get Aodren Trehin. Herri Morvan 'oa bet aterset e 2010 get Yann-Bêr Gwiader en abadenn « Tud deus ar Vro », « Ar Vreudeur Morvan, un hanter kantved kan-ha-diskan ». El ‘vez lâret, Ra vo skañv an douar dezhañ.
(Herri Morvan a zo a-zehoù àr ar skeudenn)
