Kinniget eo bet ar c'heleier ar mintin-mañ gant Metig Jakez-Vargas

Manifestet ‘oa bet disadorn un tamm pep lec’h en Breizh a-enep d’ar ouennelouriezh ha d’an tu dehoù-pellañ.

Kevredigezhioù, sindikadoù ha strolladoù politikel liesseurt o doa galvet an dud da sachañ evezh war ar mennozhioù faskour ‘zo o kreskiñ er gevredigezh. Tro-dro 800 den a oa 'n em vodet da skouer e St-Brieg.

Kantadoù a dud o doa dibunet gant plijadur e straedoù Gwengamp, disadorn tremenet.

Treuzwisket an holl, pe dost, evel m’eo dleet da vare Meurlarjez. Peadra da reiñ enor d’ar Peoc’h er gevredigezh, gant fent ha plijadur e kreiz-kêr.

Ha da glevet ivez er c'heleier :

- Bac'het eo bet maer Istamboul dec'h

- Kregiñ a raio ar marc'hatadennoù hiziv evit un harz-tennañ e Ukrenia

- Krog eo Israel da vombezenniñ Liban en-dro

- Manifestadegoù bras a oa bet e Israel disadorn da noz a-enep da Netanyahu

- Kant dek rod-avel a c'hellfe bezañ staliet war vor e bae Montroulez

- Ur ger war ar sportoù