Roet en deus Igor Gardes, rener Gouelioù Meur Kerne e zilez ar miz-mañ. Ha kalz cheñchamantoù all a zo war ar stern gant ar festival. Strizh e vo ar budjed rak un toull a zo er c'hontoù abaoe 100vet deiz-ha-bloaz ar gouelioù e 2023. Hag ur gwir poan benn eo evit ar gevredigezh aozañ ar gouelioù o tont. Met mennet bras eo izili ar gevredigezh da vont war-raok. Loig Philippon a ra ur poent deomp war stad an traoù. Ezel eo eñ eus kuzul merañ ar festival dre ar gevredigezh Ti ar Vro Kemper. Gant Ti ar vro Kemper e vez aozet festival Off ar gouelioù abaoe warlene.

Loig Philippon a oa bet aterset gant Metig Jakez-Vargas. Hag ouzhpenn cheñch rener ha cheñch lec'h d'ar gouel a breder ar festival. Gwerzhañ a raio ar gevredigezh savadur burevioù Gouelioù Meur Kerne e Kemper evit dastum arc'hant ha stabilaat ar c'hontoù.

Skeudenn : Kergourlay