Get an ubapar eo bet renablet ha leuniet daou-ugent kamp e-korv an hanv. An digarez evit ar vugale da vout en un endro dishenval ag ar skol mes en ur implij ar yezh er vuhez pamdez ur sort. Ar blez-mañ oa daet ar soñj da gelennerion skolaj Diwan ar Morbihan sevel ur c'hamp, digor d'an holl. Ha setu nandek krouedur etre 9 ha 12 vlez, é veviñ assambl e-pad ur sihuniad neuze tost doc'h an natur evit dijoleiñ ar c'hoadoù, ar gwez, an evned, ar stered ha c'hoazh. Ag ar Voustoer-Logunec'h disul da Bont-Augan 'benn disadorn, àr-droed. Selaouamp doh Natasha, Herri ha Yann-Charlez, animatourion ha doh lod ag ar vugale é kontiñ deomp penaos e tremena an traoù.