Kampionad Frañs roller indoor a vo e Gwened !
Kampionad Frañs roller a vo e Gwened a-hed an dibenn-sizhun. Ar rann « indoor », da lâret eo e sal, ha tizh a vo.
Aodren Trehin a zo bet da atersiñ Arzhelenn Baa, sportourez yaouank flamm ha ezelez ar Grol, kleub Gwened a aoza ar c'hampionad. Ne gemeray ket perzh ar wezh mañ met spi he deus bout dibabet evit ar c’hampionad ar blez é tonet.
Digoust eo donet da welet ar redadegoù e sportva Kercado e Gwened. Krogiñ a ray da nav mintin betek 9 eur noz ar sadorn, ha betek 6 eur noz ar sul.
