àr-greskaat eh a an danvez e brezhoneg ba mediaoueg Brec'h.
a-c'houde meur a vlez eh eus un emglev etre Kerlenn Sten Kidna ha mediaoueg Brec'h. Emvodoù "Lennomp assambl" a vez ingal eno, evit lakaat an dud da gomz ag o lennadennoù etreze. ha bep blez e vez maget ar "fons" liammet get ar brezhoneg get ar gevredigezh. Disadorn oa bet lakaet 98 levr ha 7 dvd ouzhpenn da vout amprestet get razh an dud, re vas ha re vunut. Kristian ar Meut a ra àr dro ar stal lenn er gerlenn hag Yvona a zo unan ag an izili aketusañ. Emaint o daou doc'h mikro Yaelle ar Mouel.
