Keleier ar vro d'al Lun 3 a viz C'hwevrer 2025
Kinniget gant Gwenvael Delanoe.
Etre 2000 ha 2500 a dud o deus manifestet disadorn evit difenn servijoù publik ar yec’hed. Goulennet ‘oa bet groñs ma vo digoret en-dro an ti gwilioudiñ ‘ba Gwengamp ha servijoù an trummadoù-urjañsoù ‘ba ospitalioù Lannuon ha Karaez. Met ouzhpenn an dodennoù-se eo ar sistem yec’hed dre vras a vefe da wellaet. Selaouomp ur reportaj kaset gant Erwan Blanchard war blas… gant, da gentañ, Jean-Jacques ‘oa deuet eus Pañvrid ar Beskont.
Komzet e vo ivez eus an aeronotik, un danvez a zo tu studiañ en Montroulez. Nora Astulfoni a zo er BTS aeronotik en lise Tristan Corbières, ha ganti e vo lâret hiroc'h war ar bed-se.
Kaoz e vo ivez eus :
manifestadegoù en Alamagn enep an tu dehoù pellañ
fest-deiz "gouez" enep Bolloré en Beg Meilh
49.3 a vo implijet gant François Bayrou
