Dour-beuz : 1000 annezad.ez o deus ranket kuitaat o zi e Redon
« Deuet eo Redon da vezañ un enezenn », en doa embannet Jean-François Mary, prezidant tolpad kêrioù Redon dec'h. 1000 den o doa ranket kuitaat o lojeiz 'blam d'an dour-beuz e kêr. Melissa Tosser a zo unan dioute. Kontañ a ra deomp ar pezh he deus bevet dec'h.
Melissa Tosser a oa ouzh mikro Metig Jakez-Vargas. Al lec'hienn internet « Vigicrues pik gouv» a c'hell bezañ talvoudus evit heuliañ live dour ar stêrioù hag ar c'hanolioù. E Redon e chomo ken uhel live an dour warc'hoazh ha hiziv, da lâret eo tro 5 metrad 40.
