Chom pe kuitaat ar rouedad sokial X, bet Twitter ? Kalzig a dud ‘neunt tapet an diviz-se met ivez kazetennoù evel Ouest-France, La Vanguardia, The Guardian; ensavadurioù evel Memorial de Caen; Rannvro Breizh; dilennidi 'zo eus strolladoù eus an tu kleiz, skolioù meur evel Roazhon 2, Naoned hag Aix-Marseille pe c’hoazh kleub melldroad Red Star. X, ur rouedad sokial zo bet prenet gant Elon Musk e miz Here 2022. Elon Musk an den pinvidikañ zo ‘bar bed ‘neus soutenet ha dougenet prantad kaballiñ Donald Trump zo bet dilennet prezidant USA e miz Du tremenet. Met ouzhpenn an dra se ‘neus degaset c’hoant da dud 'zo mont da lakaat o anv war Bluesky pe c’hoazh Mastodon: ar cheñchamant linenn stur zo bet divizet gant Musk. Hiniennoù ‘neunt divizet kuitaat pe paouez gant implijout X evel Yann-Vari ar Brusk ha Clyde Clugy-Belmont…