Fotoioù Henri Cartier-Bresson zo diskouezhet 'ba Landerne beket ar 5 a viz Genver
Skeudenniñ ar bed ! Sed aze an herezh ‘neus laosket al luc’hskeudenner gall Henri Cartier-Bresson. An arzour ‘oa ganet e 1908 ‘neus tennet hag embannet ouzhpenn 30 000 foto ‘zo dalc’het ‘ba kef Cartier-Bresson… 300 anezho zo diskouezhet ‘ba Landerne ‘ba kef Hélène hag Edouard Leclerc beket ar 5 a viz Genver. Luc’hskeudennoù arzel ha fotoioù evit kazetennou evel Life pe Paris-Match zo da welout ‘ba Landerne. Bet eo ar reporter, ‘neus savet an ajans Magnum, o veajiñ dre ar bed evit sevel reportajoù pe ‘vefe ‘ba Bro-Spagn, India, Mejiko, Sina, Stadoù Unaned pe c’hoazh ‘ba Cuba… Disadorn ‘oa kaset ur weladenn henchet e brezhoneg gant Ronan ar Penneg, luc’hskeudenner anezhañ… Deomp d’e heul asambles gant Erwan Blanchard…
