46vet gouel an Transmusicales a oa bet e Raozhon e-pad an dibenn sizhun. Strolladoù dianv a vez dizoloet er gouel-se dalc'hmat, o tont eus pep korn ar bed. Hag un taol-lañs brav e c'hell bezañ ar festival-mañ evit an arzourien hag arzourezed da c'houde. Setu div arzourez o doa plijet bras da skipailh Radio Breizh e-pad an dibenn-sizhun : Daniela Pes, ur ganerez eus enez Sardeña, ha Verde Prato, ur ganerez euskarad eus Bilbo. Selaouomp da gentañ un tañva eus Daniela Pes, a gan en ur yezh krouet ganti diwar unan eus yezhoù Sardegn, ar Galurezze.

Klevet ho peus neuze an arzourezed Daniela Pes eus Sardegn ha Verde Prato eus Euskal Herria, a oa bet aterset gant skipailh Radio Breizh. Ral eo e vefe pedet arzourien hag arzourezed eus Euskadi en Transmusicales, ar wech diwezhañ e oa bet pedet unan anezho a oa e 2001.