Fell 'ra da gerent skol Jules-Ferry chomfe ar familh Oustamilov 'ba bro Landerne, ur familh eus Bro-dTchetchenia 'zo deuet da c'houlenn repu amañ un nebeut mizioù 'zo. Digwener dremenet 'noant aozet un abadenn 'vit souten ar familh mañ 'ba he stourm. Savet 'zo gant skolidi Jules-Ferry, lec'h m'eo skoliataet ar vugale Oustaminov, ur freskenn stumm ur galon vras. 'Pezh 'zo n'int ket aotret chom war dachenn Bro-C'hall 'blam ma 'noant savet un doser goulenn repu 'ba Bro-Pologn da gentañ; setu 'pezh 'zo laret gant an arete "Dublin" hag a zo ul lodenn eus an emglev "Shengen". Achapet eus Tchetchenia, ur republik emren 'zo 'ba Kevre Russia, 'oa paket ar familh Oustaminov 'ba Pologn araok dont a-benn d'en em gavout 'ba Frañs. Start tre eo bevañ 'bar Bro-Tchetchenia; brezel diabarzh 'zo eno. Ha n'eo ket brav bout a-enep d'ar gouarnamant. War ar seblant 'vefe lakaet diaes tre ar familh Oustaminov, setu 'pezh 'neus displeget Violaine Fichou, unan eus mammoù skol Jules-Ferry, da Erwan Blanchard.