Kinniget eo bet ar c'heleier ar mintin-mañ gant Anton Burel

Penaos diorren ar c'hleweled e brezhoneg ?

Sellout a rit marteze ouzh ar filmoù, an teullfilmoù pe an tresadennoù-bev a vez produet e brezhoneg. Ha N'eus ket kement-se a ginnigoù, daoust d'ar fed int niverus awalc'h e Breizh, micherourien ar c'hleweled. Petra a vank neuze evit produiñ muioc'h a filmoù e brezhoneg hiziv an deiz ? Setu ur goulenn bet savet da vare festival ar filmoù e Douarnenez e-pad an hañv, hag e kerzh un eil emvod bet dalc'het digwener paseet e Brest, da-geñver festival ar filmoù-berr. Un emvod aozet gant Daoulagad Breizh : Anna Lincoln a zo e kuzul-merañ ar gevredigezh, labourat a ra ivez evel produktourez filmoù.

Ur pennad-kaoz gant Pauline Daniel eus Arvorig FM

Troioù kaer Tintin : Krank e veudoù aour zo bet adembannet gant Bannoù Heol

Keloù zo war an embann e brezhoneg ha keloù mat evit an dud zo sot gant ar bandennoù treset ha Troioù Kaer Tintin. Mil mizer neun an dud sot gant Tintin preno al levrioù pugur skwerennoù An Here zo aï ker ruz war marc’had al levrioù Eil dorn. Koulskoude eo Bannoù Heol o paouez adembann an navet levr Krank e Veudoù Aour, kas a ra Hergé al lennerien betek Afrika an Hanternoz lec’h ma vez Tintin oc’h enebiñ ouzh ur vandennad torfedourien hag a guzh Opium ba Boestoù Krank. Arnaud Elegoët en deus kaset ar rakstres-mañ da benn.

Ur pennad-kaoz gant Anton Burel

Ha da glevet ivez er c'heleier :

• Emañ war ledanaat ar brezel etre Stad Israel hag Ahel ar Rezistañs

• Keloù deus ar brezel en Ukraina

• Stourm al labourerien douar a-enep ar Mercosur

• Brezhoneg a vo klevet b'an THR

• Trec'het zo bet Sant Nazer Volley e lig ar gampioned