Embannet eo bet ar c'heleier ar beure mañ gant Erwan Blanchard

Roet eo bet kolier an Erminig da brezidant Republik Iwerzhon

Kolier an Erminig zo bet roet da brezidant Republik Iwerzhon dimerc’her. Roet eo bet ar c’holier an Erminig da vMichael D. Higgins gant Lena Louarn, kansellerezh an urzh, ha Loig Chesnais-Girard, pdt Rannvro Breizh. Kolier an Erminig a vez roet bep bloaz evit enorin an dud ‘neunt kaset ul labour evit difenn Breizh hag ar brezhoneg. Abaoe meur a vloaz e felle da urzh an Erminig enoriñ Michael D. Higgins. Un taol-kaer evit ar Vretoned zo bet pedet da gas al lid ‘ba ti prezidant Republik Iwerzhon dimerc’her. Selaouomp Lena Louarn hag Eamon O'Ciosain.

Fuloret eo ar Bobl Maori e Zeland-Nevez!

Manifestadegoù zo bet aozet e kêrioù ar vro gante evit sevel a-enep d’ur raktres lezenn a lako en arvar gwirioù o fobl. Klasket e vez gant an tu dehoù dismantrañ ar c’henemglev Waitangi, un emglev a-bouez-penn a oa bet sinet, pell zo, en 1840, etre ar Rouantelezh-Unanet ha 500 penn-bras Maori. Ken stenn eo ar jeu ha ma zo bet graet trouz forzh pegement er parlamant diriaou. Hiroc’h displeget diouzhtu gant Gwenvael Delanoe.

Da selaou ouzhpenn er c'heleier

• 8000 den zo bet degemeret gantar Skoazell katolikdindan ur bloaz e Penn-ar-Bed!

• Dec'h 'noant peizanted bro Kallag manifestet ouzh an emglev etre Unanviezh Europa hag ar Mercosur.

• C'hwec"h miz toull-bac'h evit an den 'noa graet ar sladu nazi e Rosporden c'hwec'h miz zo.

• Distro ar pennad 49.3!

• Doareoù brezel Izrael 'ba Gaza zo par d'ar gouenlazh eme un danevel gant an ONU

Poltred: DR