Kinniget eo bet ar c'heleier ar mintin-mañ gant Metig Jakez-Vargas

Disadorn ha disul e oa emgav pennañ bed an embann e Breizh

Gouel al levrioù Karaez en deus graet berzh evel kustum… 10 000 arvester hag arvesterez a oa bet o tizoleiñ labour 100 ti embann ha 300 skrivagner⸱ez . Ar Yaouankiz a oa tem ar bloaz-mañ. Ar skrivagnerez mil anavezet Evelyne Brisou Pellen a oa maeronez ar festival. E mesk an tiez embann a labour war al lennegezh evit ar yaouankiz emañ Timilenn, un ti embann a vro Naoned. Selaouomp Brendan Guillouzic Gouret ha Laurence Lavrand da c'houde.

Aet eo priz Langleiz gant Loeiza an Duigou

‘Pad saloñs al levrioù eo bet priziet ar skrivagnerien⸱ezed, gant priz ti-kêr Karaez ha priz levr istor Breizh da skouer. Met an hini a oa gortozetañ a oa Priz Langleiz. Abaoe 1976 e vez roet bep bloaz ar Priz Langleiz d’un oberenn brezhonek pe oberenn glok ur skrivagner brezhonek. Gant ur strollad-barn bodet gant Kuzul ar Brezhoneg e vez dibabet an loreidi. Ar bloaz-mañ eo bet roet ar priz da Loeiza an Duigou evit he levrioù Tan deï ha Kali Torrdent.

Gallout a rit selaou ar pennadoù-kaoz amañ

Ha da glevet er c'heleier :

- Bombezennet eo bet bro Iran digwener da noz gant Israel

- Strollad an tu kleiz a zo e penn a-raok tro gentañ an dilennadegoù prezidant e Uruguay

- Aet eo ar maout gant ar strollad pro rusian en dilennadegoù kannaded e Jeorjia

- Troc'het e oa bet an tredan war enezenn Gwadloup e-pad daou zevezh

- An hanter eus budjed ajañs evit an dour Liger-Breizh a vo gouestlet da gelc'hiad naturel an dour

- Sport