Kleñved an deñved glaz o zeod
Ur c’hleñved droch ‘zo o tostaat eus Breizh tamm-ha-tamm : ar FCO, un derzhienn a dap an deñved hag ar saout, hag a c’hell bezañ dañjerus-tre evit an tropelloù. Rannoù disheñvel ‘zo gant ar c’hleñved-se, evel ar FCO niverenn 3, a zo o tont eus Bro Beljia, hag aloubet eo bet ganti hanternoz ha reter Bro C’hall dija. Gwenvael Delanoe ‘zo bet en Plufur da c’houlenn muioc’h a displegadennoù da Yoann Colas, ‘zo disaver dañved. Reportaj e kreiz ar prad.
11,7 milion a dosennoù vaksin (brec’hiañ) ‘zo bet urzhiet gant ar Stad da sikour an desaverien hag o loened da dalañ doc’h ar FCO3. Ha m’eo dañjerus ar c’hleñved evit an tropelloù, n’eo ket evit an den.
