Kleub gwellañ Breizh eo Bad Kleub Rostren ! Evit ar bloavezh mañ e c’hoario ar skipailh e Top 12…. Pignet eo skipailh e live uhelañ zo ‘ba Frañs goude ur bloavezh e National 1 hepken. Un taol kaer eo gwelout ur c’hleub eus Kreiz Breizh en em gavout e mesk ar re wellañ pa gomzer eus sport… Bihan eo an niver an dud zo o chom er vro met ivez ar budjed a ranker sevel ‘vit gellout kemer perzh ‘ba ul live ken uhel… Disadorn ‘vo c’hoarierezed ha c’hoarierien Bad Kleub Rostren war an dachenn en dro evit match kentañ ar bloavezh.Dougenet eo ar c’hleub gant tud a youl vat entanet, en o zouez ar familh Siberil hag Alan Rouz zo e karg eus lodenn ar re yaouank er burev.

Hemañ diwezhañ zo gant Erwan Blanchard

Ouzh Aire sur la Lys, chouk da Saint-Omer, ‘ba hanter noz Bro-C’hall, en em gavo Bad Kleub Rostren ‘benn disadorn da geñver krogad kentañ ar c’hampionad. Gallout ‘raio an nen mont da harpañ Rostren ‘benn ar 5 a viz Here, ‘bar ger, ‘ba sal Porzh Moelou… Gant skipailh Kreiz Breizh e vo degemeret Aix Université Club