Ankeniet eo gopridi Diwan gant stad an arc’hant gant Diwan… Embannet eo bet nevez zo eo 500 000 euro e rank ar rouedad skolioù e brezhoneg kavout evit mont beket fin ar bloaz mañ. A hend all emañ en danjer da chom hep gellou paeañ ar gopridi ken… 187 den zo gopret e anv Diwan, en o zouez kalzig a implijidi melestradurel hag animatourien zo o c’hefridi ober war dro ar vugale war ar bemdez. Evit poent e c’hall mont ar gevredigezh beket fin miz Here met war lerc’h ? Kinnig a ra implidi Diwan un nebeut hentoù a c’hallfe skoazell ar rouedad da derc’hel : reiñ yalc’hadoù publik a ya gant c’hwezhadur ar prizioù, lakaat da baeañ an holl gêrioù da baeañ ar forfed skol, goulenn embregerezhioù ar vro da reiñ ur skoazell ha d’an neb a gar ar brezhoneg reiñ arc’hant d’ar gevredigezh. Stennet eo gopridi Diwan da geñver an distro skol mañ. Selaouomp, diouzhtu, Aurélie Coum zo dileuriadez CGT ha Brendan Simon zo dileuriet evit ar CFDT… Emaint gant Erwan Blanchard.