E Gwengamp dilun e oa bet aozet evit an deirvet gwezh un devezh diwar tem an EAC gant ar gevredigezh Bretagne Culture Diversité. An « Deskadurezh arzel ha sevenadurel » oa bet lañset gant ar Stad a-benn kinnig d’an holl skolidi un hentad arzel ha sevenadurel a-hed o deskadurezh. Amañ e Breizh eo an EAC un digarez pemdeziek da zegas sevenadurioù ha yezhoù ar vro betek ar yaouankizoù, er skol pe e-maez ar skol. Pal devezh dilun a oa lakaat war wel an etnologiezh evel benveg da implijout a-benn mont war dachenn ar glad bev e stern an EAC. Just a-walc’h e oa bet degemeret an dud en INSEAC, bet digoret e Gwengamp e prizon kozh ar gêr e 2021. Reportaj e Skol-uhel broadel an deskadurezh arzel ha sevenadurel. Hiroc'h gant Nikolas Amaury en karg eus ar stummañ hag eus ar buheziñ e BCD a oa o terc’hen stur an devezh met ivez gant Erwan ar Rouz eus Ti ar vro Kemperle ha Laure Alart a zo o labourat evit Bro Kornôg kreiz Breizh.

Pennad-kaoz gant Tomaz Laken