E Laruen, e bro Fañch, 'mañ maner ar Wern Vras. Gant Jean Schalit eo bet prenet un 40 vloaz zo. Abaoe 'neus bet labouret da sevel war e dachenn ur pezh liorzh, deut brudet-mat, ken kaer ma eo. Disadorn 'oa igoret un oberenn savet gant an arzour Daniel Buren. Eno 'oa ur c'hant bennaket a dud, Jean-Michel Le Boulanger, eil prezidant ar rannvro e karg deus ar sevenadur, en o zouez, pe c'hoazh Jean Yves Philippe, prezidant kumuniezh kumunioù kreiz Breizh. Hemañ diwezhañ a anavez mat ar maner hag al liorzh da-heul, abaoe ar penn kentañ tou. Selaouomp anezhañ deus mikro Tugdual Karluer.