38 listenn a zo ar bloaz-mañ e Frañs evit an dilennadegoù European. Ar strolladoù politikel brasañ a glasko kaout ar muiañ a sezoù posupl er breujoù european, evel ar Re C'hlas, ar Sokialourien pe c'hoazh an RN. N'eo ket aes avat d'ar strolladoù politikel bihan ober o flas, bezañ anavezet gant an dud ha brudañ o menozioù. Uisant Crequer a zo o kabaliñ war listenn Nouvelle Donne, er seizhvet renk emañ war al listenn-se. Goulenn a ra e strollad digant an dud a fell dezho dezho votiñ evite moullañ bep a folenn votiñ er ger en a-raok da skouer, evit espern arc'hant. N'hallont ket paeañ tud evit mont skritellañ evito er straedoù ken nebeud ha n'int ket sur da rastellat ouzhpenn 3% eus ar mouezhioù, a ranket tizhout evit bezañ restaolet eus e frejoù kabaliñ. Displegañ a ra Uisant Crequer peseurt diaesterioù all a sav evit ar strolladoù bihan.

Klavet ho peus Uisant Crequer eus al listenn Nouvelle Donne, a oa bet aterset gant Metig Jakez-Vargas. 'Benn disul e vo an dilennadegoù european neuze ha sujedoù all a vo da glevet war an tem-se a-hed ar sizhun.