Evit ma vevo hor yezhoù...cheñchomp ar Vonreizh !
Diwar ar ger-stur-se e oa bet bodadegoù e 50 lec’h disheñvel, e meur a vro eus ar Stad-c’hall, e fin ar sizhun dremenet.
Daoust d’al lezenn Molag, bet votet e 2021, e talc’h ar Stad da stoc’hañ kement taol-lañs a vez klasket reiñ d’ar yezhoù-bro. Diniver eo ar skoilhoù lakaet war o hent : sinoù diakritek, implij ar yezhoù en ensavadurioù publik pe c’hoazh amzer da zont ar re-se war dachenn an deskadurezh.
Faot a rafe neuze d’ar stroll Pour que vivent nos langues gonit ur surentez lezennel evit ar yezhoù-bro o tegas cheñchamant e lezenn-veur ar Frañs. En Breizh zo meur a gevredigezh o kas an troc’h « evit ma vevo hor yezhoù » : Diwan, Divyezh, Divaskell, Kelennomp ha Kevre Breizh. E daouzek kêr e oa bet manifestet en hom bro deiz a-raok dec’h. Troc'hadoù-kaoz gant Morgane Lefebvre hag Eujen Goater.
Pennad-kaoz gant Tomaz Laken ha Yuna Kojan
