Kinniget eo bet ar c'heleier ar mintin-mañ gant Metig Jakez-Vargas

Kenderc'hel a ra ar stourm a-enep an hent-tizh A69

200 pont ouzhpenn, 42 km a hentoù nevez flamm hag ur peaj ivez… Setu ar raktres hent-tizh a zo etre Tolosa ha Castres, an A69. Pemp rekour zo bet kaset dirag ar justis dija enep an hent-bras-se gant difennerien an endro. Rak freuzhiñ a raio an hent-tizh tri c’hant derez arat… ha saotradur ouzhpenn vo produet ivez gant an hent. Diboell eo ivez al labourioù-se evit studierien skol veur an hin e Tolosa. Anjelina a zo er skol-se hag kemeret he deus perzh en ur vanifestadeg a-enep d'an A69 get ur lodenn eus he gamaladed.

Ur pennad kaoz gant Yuna Kojan

Gant an nevez hañv e teu ar c’hoant da vont da foetañ gwenojennoù !

Ur bern kevredigezhioù a zo fiziet enno kempenn anezho evit plijadur ar valeerien. Dezho da zizoloiñ maezioù parrezioù o bro. Evit lakaet an hentoù bale propr goude ar gorventenn Ciaran en doa skoet Breizh e miz Du tremenet o deus bet un tamm mat a labour tud a youl vat ar c’hevredigezhioù se. E Sant-Fregan, e kichen Lesneven eo gant « Henchoù an holl » e vez kaset al labour merañ an hentoù bale. Hiroc’h e vo klevet gant François Corlosquet zo ezel eus ar gevredigezh se…

Da glevout ouzhpenn er frapad keleier-mañ :

- Marvet zo pevar den e Kaledonia-Nevez dec'h, tri emsaver kanak hag ur jañdarm

- Tennet zo bet war kentañ ministr Slovakia, Robert Fico, dec'h

- Dleout a rafe bro Iwerzhon a anavezout ar Stad Palestinian a-raok fin ar miz

- Lez-varn galv Pariz a rento e ziviz hiziv war afer Adama Traore

- Ouzhpenn 2300 droukzifoc'h ouzh an dud LGDTE+ a zo bet disklêriet warlene d'ar gevredigezh SOS homofobiezh

- Departamant Penn-ar-Bed ha Rannvro Breizh a c'hellfe reiñ o sikour evit diskoulmañ an disemglev a zo etre Gouel an Erer Kozh ha ti-kêr Karaez

Selaouit an holl pennadoù-kaoz AZE