Keleier embannet ar beure-mañ gant Tomaz Laquaine

An dedenn evit ar votadegoù european o vont war-gresk ?

An dilennadegoù european a vo d’an 9 a viz Even e Bro-c’hall, Belgia ha Luxembourg. 720 a gannaded zo da vezañ dilennet er breujoù european evit ar 5 bloaz da zont. Votet e vez evit listennadoù tu Kenfeurel eo ar votadegoù. Da lâret eo e vo roet un niver a sezoù d’ar strolladoù hervez an niver a vouezhioù o deus bet.

An dilennadegoù etrevroadel brasañ er bed eo ar votadegoù european. Koulskoude e vez lâret alies penaos « n’eo ket gwall entanet an elektourien gant an dilennadegoù-se ». Petra zo kaoz ‘ta ? Yuna Kojan he deus klasket kompren.

Chanter adingaliñ tier-prenn "straed ar sec'hed" e Roazhon

Setu ur straed anavezet mat : ar ru Saint-Michel e Roazhon, « straed ar sec’hed » a vez graet anezhi ivez evel ma oarit a-walc’h.

Met estroc'h evit he zavarnioù eo brudet ar ru-se. An tier enni zo bamus. Tier-prenn kozh zo anezhe ma vez gwelet an treustoù koad ac’h a d’ober an talbenn. Met mont a reont a-dreuz un tammig a-gaoz int arru kozh. Ha se zo kaoz e vezont lakaet a-nevez gant kêr Roazhon. Meur a vañsoner zo o labourat war an tier-se. Yann, Divi hag ar mañsoner a zo ba penn ar chanter zo anvet Gwilhom. Hemañ en deus komañset da labourat war ar chanter-mañ 2 vloaz zo. Labourat a ra ar vañsonerion-se hervez ar mod « kozh », da lâret eo gant doujañs e-keñver ar mod ma oa bet savet an ti-se, a oa un davarn a-raok.

Pennad-kaoz gant Jeanne Chevrel eus Radio Bro Gwened.

Da selaou ouzhpenn er c'heleier-mañ :

- Argad Izrael war Rafah : stanket ar sikourioù dengar

- Taget ti an UNRWA e Reter-Jeruzalem gant ekstremisted izraelian

- 12 000 a dud o vanifestiñ e Sweden a-enep perzh Izrael en Eurovision

- Eil harz-labour hollek en Arc'hentina a-enep politikerezh Javier Milei

- Ur film berr war ar feulsterioù seksel skignet gant Judith Godrèche e Cannes

- Kadarnaet serradur skolaj Korlae

- Tud forzh pegement e Tro Menez Are 2024 dec'h !

Selaouit ar reportajoù en o fezh AZE.