Dougenet en deus Gérald Darmanin, ministr an diabarzh, klemm ouzh ur sindikalour eus Brest! Ar sizhun dremenet e oa bet galvet Olivier Cuzon, sindikalour ha kelenner anezhañ, da vont d'ar c'homiserdi. Petra zo kaoz? Ur pennad skrid embannet 'ba kazetenn Sud-Education e fin ar bloaz tremenet. Lakaet e oa ar gaoz war "ar c'hlasoù difenn ha surentez" zo kenurzhiet gant minister an Deskadurezh ha minister an Armeoù. Diskrivet e oa bet ar c'hlasoù se  giz ur mod da "wall genteliañ ar re yaouank"… Er pennad e oa skrivet, ivez, eo ankeniet Sud Education gant "sevenadur tu dehou pellañ, misojin hag homofob" soudarded zo… Olivier Cuzon zo rener embann kazetenn Sud Education Penn ar Bed. Difennet eo bet gant strolladoù politikel eus bro Brest 'vel strollad ar gomunourien yaouank… Taran ar Marc'heg zo kuzulier kêr Vrest… Roet 'neus soñj e strollad da Erwan Blanchard…