A-hed an dibenn sizhun e oa en em vodet danvez esparadennoù nevez ar festoù-noz er C'han ar Bobl e Pondi, da geñver ar gourfenn vras. Metig Jakez-Vargas a oa war al lec'h. Goulennet he doa digant Eric Menneteau hag Yann-Ewen L'Haridon a oa b'ar juri er rummad « Kan da zañsal » peseurt mod 'veze barnet an dud war ar renk gante.

Klevet o peus ar strollad « Kanourezed ar galaksi » e fin ar reportaj. Resevet o deus ur priz ispisial er rummad Kan da zañsal. Gant an daouad kan-ha-diskan Alan ha Selma Rouz, tad ha merc'h neuze, eo aet er maout er rummad-se. Er rummad strolladoù eo aet ar maout gant « Les américains du désert », o doa graet berzh er c'henstrivadeg etre-liseoù dija. An daouad « Bob Duo », a vod Camille ha Ronan Robert, a zo bet trec'h er rummad Kan gant muzik. Evit an daouadoù sonerezh eo aet ar maout rampo an daouadoù Moerman/Le Bihan ha Billard/Lemestr. Hag evit ar benvegoù sonerezh solo eo bet priziet Meriadec Surzur.

Ur reportaj gant Metig Jakez-Vargas