Ar hintet dañs rock a Vresil CSS oa bet anavet e 2006 ged o albom kentañ Cansei de ser sexy. Grass d'o nerzh ha d'un nebeud koñsertow souezhus o doa plijet mad er bed a-bezh. Barzh o srede albom La liberación e adkavamp ar mem spered-strollad-se : follentez, kanennow savet herwez o imur, lewenez d'ar liessañ, ha kredet o deus moned pelloh hoazh eid o leveson kentañ, an elektro-rock. Anavet vênt dohtu g'ar gennn a zigora an albom, "I love you" pe ar single kentañ "Hits me like a rock". Mes o musik a so waet àr-raog ur sort, dàet ew da voud digoroh, pînwikoh, ha muioh liesliw. Kennigiñ a ra ar strollad a São Paulo kanennow elektro pe pop, mes santet vez un dra donoh àr-dreñv, soñjetoh, ha passiñ a ra dre ar son iwe : kitar flamenko ba "Ciry grrrl", piano klassel ba "Partners in crime", ha bepred riffow efedus, posiow damsaosneg, spagnoleg pe portugaleg. Sur'walh n'ew ket achu tamm'bed ged chañchamantow CSS, ur basenn ew an albom-mañ, ur sort "Red alert" ha ne faoter ket mankiñ ! MIOSSEC "Chanson pour les amis" in Chansons ordinaires (2011 . PIAS) IMG "Bertayen libr" in Interdit de cracher gallo ! (2011 . Mass Productions / Coop Breizh) M.I.A. "Steppin up" in /\/\ /\ Y /\ (2010 . N.E.E.T. Recordings / XL Recordings) LENNY KRAVITZ "Come on get it" in Black and white America (2011 . Roadrunner Records / Atlantic Records) LENNY KRAVITZ "Black and white America" in Black and white America (2011 . Roadrunner Records / Atlantic Records) CSS "Hits me like a rock" in La liberación (2011 . V2 Records International)