Evit ma vevo ar "free-party": 10 000 raver war aerborzh Kemper
Muioc’h ‘vit 10 000 « raver » ‘oa en em gavet ‘ba Kemper e-pad an tri devezh dibenn sizhun ! Ur pezh mell gouel ‘oa aozet war aerborzh Plugun. Un digarez da riboulat, sur deoc’h, met ivez d’ar re yaouank a blij dezho ar sonerezh tekno hag ar free party da embann e fell dezho kenderc’hel da aozañ seurt gouelioù ! E kerzh ar mizioù tremenet eo bet strishoc’h evit boaz ar gwask lakaet war ar bed-se. Se zo kaoz ez eus bet muioc’h evit 8700 tell-kastiz a 135 euro ingalet e-kerzh ar week-end mañ… Memestra ‘oa gortozet mat an darvoud sonerezh gant ar re yaouank… Selaouomp Jozef, ‘oa ‘bar Rave a -hed ar week-end… Emañ gant Erwan Blanchard.
