Dibab ar bio lastez a-raok kas anezho d’al lasterezh!
Lakaet eo e pleustr al lezenn Agec abaoe penn kentañ ar miz mañ. Al lezenn Agec zo un destenn evit talañ ouzh ar foraniñ danvezioù a ya gant ar gwir european. Adalek bremañ eo rediet an holl ensavadurioù lec’hel zo e karg da zastum al lastez da sikour an dud da zispartiañ anezho eus al lastez all. Petra eo ar bio lastez ? Hervez kod an endro eo an holl danvezioù n’int ket dañjerus hag a zo biodic’hradus : restajoù boued an dud, ar restaorantoù ha re an uzinoù da fardañ boued. Lakaet eo e mesk ar bio lastez an delioù pe c’hoazh al letonenn bet troc’het. Gant Brest Meurger ‘vel gant an ensavadurioù all ‘ba Bro-C’hall eo ret lakaat e plas al lezenn nevez. Maïna Karval zo e-karg da lakaat e pleustr al lezenn nevez. Muioc’h a zisplegadennoù ganti.
