Ur sizhun zo ez eus bet dalc’het an dilennadegoù e Galiza e Gwalarn Stad Spagn. E-touez ar strolladoù a oa war ar renk e oa ar Partido Popular an tu dehou pellañ, ar PSOE en tu kleiz sokial demokrat hag ar BNG a zo un talbenn broadelour a stourm evit ma vefe ur gwir gallout politikel e Galiza. Bloc’had Broadelour Galiza zo e penn an tu enep e Parlamant Galiza. Spi en doa kemer ar gallout goude an dilennadegoù-mañ met ar Partido Popular a zo erruet e penn gant 47% deus ar mouezhioù ha 40 kannad, daou nebeutoc’h evit ar resped tremenet. Ma n’int ket erruet e penn ar BNG en deus rastellaet 31% deus ar mouezhioù da lavaret eo 25 kannad. Ur c’hresk a zo bet memestra peogwir o deus gounezet 6 kannad ouzhpenn. Evit gouzout hiroc’h war-se selaouomp Neal Baxter a zo e karg deus darempredoù etrebroadel ar BNG …

Ur pennad-kaoz gant Anton Burel