Lañset eo gouel an Ened e Douarnenez
Krog e oa Meurlarjez pe gouel an Ened e Douarnenez disadorn goude mern. Kantadoù a dud treuzwisket, bras ha bihan, a oa en em vodet war plasenn ar c'houi evit lid digeriñ ar gouel : kinnig an Den Paolig, ur vargodenn a enor un den disheñvel eus kêr ar pennoù sardin bep bloaz. Ha staget e vez a-istribilh ouzh savadur ar c'houi betek fin an Ened. Ar bloaz-mañ e oa tresoù Elvis Presley gantañ. Metig Jakez-Vargas a oa war al lec'h.
Klevet ho peus ur reportaj gant Metig Jakez-Vargas. Ha padout a raio gouel an Ened betek dimerc'her c'hoazh. Dimeurzh da noz ur bal treuzwisket er c'houi ha dimerc'her e vo devet an Den Paolig, evel bep bloaz, war porzh ar Rozmeur, ambrouget gant ar fañfarioù.
