Abaoe bout bet trec'het gant Sochaux disadorn noz mui ar match gounezet gant Evian disul noz eo echu da vat: re a boentoù 'zo etre o daou glub mañ; Evian 'neus eizh poent muioc'h 'vit Brest. Ne chom nemet daou grogad da laret eo 6 poent da c'hounit. Chom 'raio ar Vrestiz e plas diwezhañ ouzh an daolenn, kazi sur eo. Ouzhpenn 'ez aio an Ti 'Zefs da c'hoari a-enep PSG 'benn ar week-end kentañ. Ur fin 'oa gortozet gant an holl ken fall eo bet an disoc'hoù abaoe miz Genver tremenet: gounezet 'neunt eizh poent hepken ha la kaet eizh but . Dipitet eo ar supporterien 'vel just. Deomp da selaou Anne Jaffret, supportrezh Brest abaoe muioc'h evit 50 bloaz.