Liseidi eus Breizh, Euskadi pe Korsika a c'houlenn muioc'h a wirioù evit o yezhoù
Ur statud ha doujañs evit ar yezhoù bro ! Setu ‘pezh ‘oa deuet da c’houlenn un hanter kant bennaket a liseidi eus ar c’hwec’hkorn dec’h ‘ba Pariz gant pennoù bras ar Republik ! Liseidi oa deuet eus Korsika, Okitania, Elzas, Euskadi ha Breizh diwar ur bedadenn gant ar stroll « Evit ma vevo hor yezhoù ». Ma ‘neunt ket gellet manifestiñ e tal ar vodadenn veur na Ministrerezh an Deskadurezh Stad ‘neunt gellet al liseidi aozañ un doare siting straed Grenelle… Ha d’ar memes poent ‘oa degemeret lisead gant kannaded ar gomision « Yezhoù ha sevenadurioù bro » ‘bar Vodadenn Veur. Selaouomp ul lodenn eus an dud yaouank ‘oa ‘ba Pariz dec’h... ha da gentañ Anwenn zo e klas termen ‘ba Lise Diwan Karaez…
Ur reportaj gant Erwan Blanchard
