Divizet o deus renerien ar mirdi Fonds Hélèné et Edouard Lelcerc ‘ba Landerne reiñ da welet livadurioù ha tresadennoù gant John Howe d'an dud a zo plijet kaer gant bed Tolkien. John Howe zo un arzour a oa ganet e Kornôg Kanada ha deuet da Strasbourg da studiañ an arzoù. Brudet eo evit bezañ bet skeudennaouet romantoù skrivet gant JRR Tolkien. Met anavezet eo dreist-holl ‘vit bezañ kemeret perzh e renerezh arzel ar filmoù « Aotroù ar gwalennoù » hag « an Hobbit », an holl anezho bet sevenet gant Peter Jackson.

E fin miz Kerzu oa bet aozet ur weladenn gant SKED ha lusket gant Malo Adeux. Arbenniget eo ar c’helenner yaouank war al lennegezhioù ha sagaioù eus ar grenn-amzer. Displeget ‘neus da Erwan Blanchard al liammoù zo etre oberennoù Tolkien ha John Howe.

Klevet ‘peus Malo Adeux ha Ffran May. Kaset eo bet ar reportaj gant Erwan Blanchard. Gall ‘reer mont da weladenniñ an diskouezadeg gouestlet da Dolkien ha da John Howe betek an 28 a viz Genver ‘ba Fonds Leclerc ‘ba Landerne. Digor e bemdez war bouez devezh kentañ a viz Genver.