Kinniget eo an abadenn geleier gant Bleuenn Le Lay hag Erwan Blanchard

XR zo a-enep panelloù bruderezh zo dindan gouleier

Moarvat ho peus tro da welet ar panelloù bruderezh a ra gouloù. Aliez int staliet int war bord an hentoù evit bout gwelet gant ar vlenerien. Un oberiadenn zo bet savet get Extinction Rebellion an Oriant enep ar panelloù-sen nevez zo… Ar panelloù bruderezh-sen a brodua gouloù evit mann ebet…. Pezh zo ur gudenn evit an izili eus ar stroll. En Oriant oa bet skrivet arouez Extinction Rebellion « XR » war ar panelloù-gouloù,. Ur pennad-kaoz gant Yuna Kojan.

Kavet zo ul loñjeris gant skolaj Diwan Gwiseni

Distro eo skolajidi Diwan Gwiseni ‘bar skol. Ar sizhun dremenet int en em gavet asambles ‘ba savadurioù nevez zo tal kichen o skolaj ‘ba Gwiseni ‘ba Les ateliers. Eno zo klasoù lec’h m’eo dalc’het ar c’hentelioù… Prestet eo al lec’h gant kêr Wiseni… Distrujet e oa an doenn gant ar gorventenn Ciaran e penn kentañ miz Du. Un taol kaer bezan bet kempennet ur skolaj nevez dindan nebeut amzer, ‘vel ar pezh ‘neus laret Anouk da Erwan Blanchard.

Ar reportajoù zo da selaou amañ

Da selaou ouzhpenn:

Grip ar yer zo erru 'ba Breizh

Un dibenn sizhun gouestlet d'an Telethon

Stenn zo etre Venezuela ha Stad Guiana

Festival elektro Panorama kentañ a vo aozet e 2025

Ur sell war ar sportoù