Birvilh zo ‘ba servij an dour ‘ba Montroulez ! Kroet eo « An dour » evit mont d’ober ur stal bublik evit merañ an dour ha puraat anezhañ. A-benn penn kentañ miz Genver e vo roet lañs da « An dour ». Betegen e oa ul lodenn eus al labour ‘oa kaset gant ar stalioù prevez Veolia ha Suez. Embarzhiet e vo ‘bar stal nevez implijidi Montroulez Kumuniezh hag implijidi zo ‘oa dindan gevrad gant Veolia ha Suez… Pezh ‘zo n’eo ket kevatal kondissionoù labour ar re zo gopret gant Veolia ha Suez gant reoù Montroulez kumuniezh… Diwar se e c’houlenn groñs implijidi an ensavadur lec’hel e vo gwellaet o c’hondissionoù sokial… Abaoe ur sizhun eo un tregont bennaket a implijidi a zo gant un harzh-labour neuzen... Selaouomp Lizig Kloareg, ijinourez war an dour hag ezelez eus ar CGT. Emañ gant Erwan Blanchard.