Skoet eo bet al laboused mor gant Ciaran ivez

Ouzhpenn al labourerien-douar, an tier hag ar gwez a zo bet skoet gant Ciaran. An natur dre vras a zo bet lakaet diaes gant ar gorventen, evel al laboused mor hag an tevennoù. Lucienne Moysan a zo animatourez natur e bro Fouen.

Un atersadenn gant Metig Jakez-Vargas

Enskrivadurioù drouk enep da ur stourmer deus an tu kleiz e Kreiz Breizh adarre

Matthieu Guillemot, a zo anavezet mat e bro Garaez. Ar stourmer evit ar Strollad Nevez Enep-kapitalour, an NPA, 'n eus douget klemm a-enep da gunujennoù foran ha da wallvruderezh. Souten 'n eus resevet deus perzh an UDB Kreiz Breizh. Herve ar Gall deus an UDB Kreiz Breizh a zispleg penaos int feuket gant an darvoud.

Un atersadenn gant Tunvezh Gwlagen-Grandjean

Ha da vezañ klevet er c'heleier-mañ c'hoazh :

- Ampellaet eo bet an dreverz e Gaza, hag an eskemm prizonidi etre Israel hag an Hamas.

- Aet eo ar muianiver gant an tu dehou-pellañ en dilennadegoù en Izel-Broioù

- N'eo ket bet votet an digresk a implij a bestisidoù gant labourerien-douar Europa

- Ur statud a zilennad a vefe krouet da wareziñ gwelloc'h ar vaer.ezed e bro C'hall

Keleier kinniget gant Tunvezh Gwlagen-Grandjean