7000 a dud a oa bodet d'ar sadorn 18 a viz Du e Muzikhall Park an diskouezadegoù e Sant Jakez al Lann koste Roazhon evit Fest-noz brasañ Breizh ... Yaouank ! E-pad 14 eurvezh a fest-noz eo bet entanet an gorollerien gant strolladoù liesseurt ‘giz Modkozmic galactik & Annie Ebrel, Hamon Martin Quintet, Talec Noguet, Digresk, Forj pe Litha. Bep bloaz e vez savet raktresoù ispisial gant an aozerien hag ar bloaz-mañ o deus kinniget un abadenn nevez : Kemmesk. Daou bed disheñvel, hini hengounel ar Melinerien da laret eo Bagad Gwened, hag hini jazz ha funk ar strollad Varez. Alex Kervadec prezidant Bagad Gwened a ginnig deomp ar raktres-mañ. Abaoe ouzhpenn 20 vloaz e vez dalc'het ar fest-noz-mañ, evit Anjela e oa ar wech kentañ dezhi dont d'ar fest-noz. Evit Romain ne oa ket ar wech kentañ met graet en deus un tamm hent evit dont amañ ...

Ur pennad-kaoz gant Anton Burel