Ar media enklask dizalc'h Splann a lak war wel un nebeut sioù e mont en dro ar C'hooperl en e enklask diwezhañ. Kevelouri sevel moc'h brasañ Frañs eo ar strollad. Evel pep kevelouri e oa bet krouet er bloavezhioù 1960 gant labourerien-douar, dezho da vezañ kreñvoc'h a stroll ha digreskiñ ar c'houstoù produiñ. Met cheñchet braz eo an traoù dibaoe. An divizoù a vez kemeret bremañ gant un nebeut a zesaverien moc'h braz e penn ar stal. Hag ouzhpenn napas gellet kemer divizoù ken, eo diaes tre d'an disaverien kuitaat ar C'hooperl...Juliette Cabaço-Roger, kazetennerez e Splann.

Ar fest « Breizh a gan » vo dalc’het e Bro Gwened ar bloaz-mañ d’ar Sadorn 2 ha d’ar Sul 3 a viz Kerzu. Aozet e vez gant Kanomp Breiz a zo ar c’hevredad a vod al lazoù-kanañ Breizh a-bezh ha bep bloaz e vez en ur gêr disheñvel… evit lakaat war wel ar lazoù-kanañ eus un terouer. Selaouomp Youen Boulic, kenurzhier Kanomp Breizh.  

Holl reportajoù Keleier ar vro da selaou AZE.

Ha da glevout ivez er c'heleier :

- Fellout a ra da zifennerien ospital Gwengamp kavout un emglev par da hini ospital Karaez

- Tamalliñ a ra ar gannadez Sandrine Josso ar senedour Joël Guerriau da vezañ klasket tagañ anezhi en un doare seksel

- Skoazellet e vo ar besketourien evit prenañ dour-tan betek miz Even 2024

- Taget eo bet digwener salioù ar gevredigezh "La Serre" e Sant-Brieg gant an tu-dehoù pellañ

- Rankout a raio ar Restos du Coeur nac'hañ skoazellañ tud e Breizh

Keleier kinniget gant Metig Jakez-Vargas