Beuzet eo ar geuneuterien gant al labour war lerc'h Ciaran!
Gwez a leizh zo war al leur. ‘Ba Brest eo 2000 gwezenn zo pilet gant ar gorventenn Ciaran ur sizhun zo. 200 gwezenn zo war al linenn-houarn etre Kemper ha Landerne c’hoazh… Foeltret zo ur bern gwez, torret brankoù forzh pegement. Tapet eo kement perc’henned war dachennoù publik ha prevez… Dre se eo beuzet ar geuneuterien hag ar skrimperien dindan al labour. Edern Madeg zo penn ur stal keuneuterien anvet Brenn Heskenn zo he sez ‘ba Sant-Tounan… Displegan ‘ra deomp perak zo kement a wez zo kouezhet ! Emañ gant Erwan Blanchard.
