E 2007 o doa embannet ar raperion a Varseilh o albom kent, Saison 5. E 2008 o doa enrollet live Retour aux pyramides ba Gizeh ewid lidiñ o 20 vlez a vicher. Setu e 2013 hwehved albom studio IAM : Arts martiens. Ar vusissianed-mañ - ged re arall - deus lakaet ar rap da voud degemeret ba'r hultur pop, ha sellet dohtoñ èl d'ur gwir stil, ur gwir arz. Waet ew kuit Freeman, mes adkavoud a ramp Akhenaton, Shurik'N, Kheops, Imhotep ha Kephren, ha gete spered o bleziow kentañ. Marse pas live o eil albom, L'école du micro d'argent, uhel ew, mes n'ew ket waet da hesk ar vammenn : flour ew ar flow, lemm ar posiow, a-zivoud an dihun ("Debout les braves"), ar rassism ("Pain au chocolat"), ar glaskerion-bara ne welamp ket mui ("Habitude"). Ar son so liesliw iwe, etre ar skratch ("La part du démon"), ar funk ("Tous les saints de la Terre"), ar soul ("L'amour qu'on me donne")... Ema frew dalhmad raperion IAM, hen diskoueziñ a rant barzh an Arts martiens-mañ, ha vad a ra klewed rap speredeg hag awenet, kasset ged ar re doa lañset an traow ba Frañs 25 vlez so gosig. IAM "Je danse le mia" in Retour aux pyramides (2008) WILL.I.AM. feat. MILEY CIRUS "Fall down" in #willpower (2013 . Interscope) MACKLEMORE & RYAN LEWIS feat. MARY LAMBERT "Same love" in The heist (2012 . Macklemore LLC) THE SHIN SEKAÏ "La peur" in The Shin Sekaï vol.1 (2013 ; Wati-B) IAM "Les raisons de la colère" in Arts martiens (2013 . Def Jam) Liammow an deiz : > IAM ha > Will.I.Am. > Macklemore