Ur raktres chaoser da broduiñ tredan gant nerzh al lañv a zo war ar stern!

Gant ar rannvro eo kaset abaoe un toullad bloavezhioù, evit gallout produiñ energiezh en ur mod padus er porzhioù breizhat. An embregerezh Legendre eo a zoug ar raktres, asambles gant an Ifremer. Testet e oa bet warlene e morlenn Brest evit ar wech kentañ, ha sañset e oa bezañ kaset da Waien da c'houde evit kenderc'hel an arnodoù war hir amzer araok gallout kregiñ da broduiñ tredan war ur skeul brasoc'h. Met dipitet bras eo Daniel Cueff, bezprezidant ar rannvro ha Gurvan Kerloc'h, maer gwaien. Rak nullet eo bet ar raktres arnodiñ e Gwaien. Emañ gant Metig Jakez-Vargas.

Gant Herve ar Beg eo aet priz Langleiz 2023 !

Ar priz lennegel a vez roet bep bloaz evit reiñ ton d’ur roman pe d’un dastumad barzhonegoù. Roet eo ar priz da geñver salons al levrioù a oa dalc’het ‘ba Karaez e-kerzh ar fin ar sizhun. « Amiraled Kab Horn » eo titl ar roman kentañ skrivet gant Herve ar Beg zo brudet mat ‘bar metoù brezhoneg. Anavezet eo evit bout bet unan eus mouezhioù pouzhus tre ar radioioù en brezhoneg. Rener Radio Kreiz Breizh hag Arvorig FM eo bet pad muioc’h evit tregont vloaz. Displegañ ra deomp ar pezh ‘neus degaset c’hoant dezhañ da skrivañ ur roman… Emañ gant Erwan Blanchard.

Ma 'peus selaou ar pennadoù-kaoz... Amañ emaint!

Da glevout ouzhpenn 'bar c'heleier:

- O tont emañ ar gorventenn Ciaran.

- Ar brezel etre Izrael hag an Hamas

- Ur raktres sevel ur poull-dour bras divent zo nullet gant lez-varn Poitiers

- A-enep ar skritur inkluziv 'neunt votet ar senedourien

- Un tamm sell war ar sportoù...

Embannet eo ar c'heleier gant Erwan Blanchard.