Dieubet eo bet ar c'hazetenner Mortaza Behboudi e fin ar sizhun dremenet. Skrapet e oa bet gant an dalibaned d'ar 7 a viz Genver tremenet, pa oa o tapout skeudennoù dirak ur skol-veur e Kaboul en Afghanistan. Goude bezañ bet jahinet er c'homiserdi eo bet bac'het ar c'hazetenner e-pad 284 devezh e toull-bac'h ar servijoù kuzh, e konditionoù spontus. Un disamm bras eo bet diskleriadenn Reporterres Sans Frontières ar sizhun dremenet neuze evit e familh hag e vignoned. Morgane Lincy-Fercot a zo ezel eus komite skoazell Mortaza e Douarnenez. Aozet o doa darvoudoù e-leiz en dek miz tremenet evit souten anezhañ, e liamm gant Reporters Sans Frontières hag Aleksandra Mostovaja, gwerg Mortaza Behboudi. Reiñ a ra un nebeud keloù deomp deus e zieubidigezh.

Setu Morgane Lincy-Fercot eus komite skoazell ar c'hazetenner afghan Mortaza Behboudi a oa ouzh mikro Metig Jakez-Vargas.